Kev Ceeb Tom Xwm Txheej Kub Ceev
Tiv Tauj Rau Peb
Tiv Tauj Rau Peb

Kev Daws Kho Txog Kev Them Nyiaj Rov Qab Rau Ntawm Kev Xaj Hluav Taws Xob Tom Tsev

Rau cov tsev neeg uas nyiaj khwv tau los-muaj cai tau txais

Tau txais qhov nyiaj them rov qab $700 ntawm PG&E lub cuab yeej xaj hluav taws xob rau Tsheb Siv Hluav Taws Xob EV uas raug lees paub

Tso npe thov tam sim no

Cov ntsiab lus ntawm lub khoos kas

Tuaj rau ntawm lub khoo kas no, cov tsev neeg muaj qhov nyiaj khwv tau los muaj cai tau txais yuav tau qhov nyiaj them rov qab $700 ntawm PG&E-lub cuab yeej cuab yeej xaj fai rau tsheb hluav taws xob EV uas raug lees paub.

 

Lub khoos kas pab txhawb rau qhov kev xaj fai rau tsheb hluav taws xob tom tsev nrog rau txo tej kev hloov kho khoom hluav taws xob uas tus nqi kim. Tau txais kev pab nyiaj los ntawm xeev California Tus Qauv Cai Hais Txog Cov Roj Uas Muaj Pa Tshuaj Carbon Qis.

 

  • Qhov nyiaj them rov qab $700 rau cov neeg siv lub cuab yeej xaj hluav taws xob tom vaj tom tsev uas lawv muaj cai tsim nyog tau txais thiab lwm yam kev xav tau.
  • Lub cuab yeej yuav tsum yog tuaj ntawm PG&E daim ntawv teev npe cov cuab yeej tau kev tso cai-ua ntej thiab tau yuav nyob rau hnub los sis tom qab Lub Kaum Ib Hlis Ntuj Tim 17, 2023.
  • Kev nruab lub cuab yeej yuav tsum ua tiav los ntawm Xeev California cov kws hluav taws xob uas tau txais kev tso cai, uas nws tsim nyog.
  • Qhov kev them nyiaj rov qab yog yuav saib raws ntawm xub-tuaj txog, xub-tau txais.
  • Txwv qhov nyiaj them rov qab ib zaug rau ib tsev neeg uas muaj cai tau txais.
  • Kev thov yuav tsis muaj sau nqi.

lub cim qhia lus ceeb toom tseem ceeb Lus Cim Tseg: Lub npe ntawm tus neeg thov qhov nyiaj them rov qab thiab nws qhov chaw nyob yuav tsum raug rau daim ntawv pov thawj yuav qhov khoom cuab yeej, daim ntawv txheeb qhov nyiaj khwv tau los, thiab tus tswv lub tsheb los sis lub npe thiab qhov chaw nyob ntawm tus neeg qiv tsheb.

 

Ua ntej ua ntawv thov, saib kom ntseeg siab tias koj muaj txhua yam raws qhov kev xav tau uas teev tseg nyob rau hauv "Kev muaj cai tsim nyog tau txais lub khoos kas".

 

Kev muaj cai tsim nyog tau txais lub khoos kas

Tus neeg thov yuav tsum:

 

  • Muaj qhov nyiaj khwv tau los ntawm lub xyoo nyob rau qib uas haum rau lawv tsev neeg thiab cheeb tsam PG&E cov chaw muab kev pab cuam ntawm lawv qhov chaw nyob, los sis raug rau npe mus rau hauv tsoom fwv cov khoos kas pab cuam uas raug lees paub. Lub cheeb tsam nroog yuav tsum yog tib qho chaw uas tus neeg thov muaj lub tsev nyob thaum tuaj nruab lub cuab yeej thiab thaum yuav tau los sis xauj tau Lub Tsheb Hluav Taws Xob.
    Saib Daim Phiaj Qhia Ciaj Ciam Txwv Yim Neeg Cov Nyiaj Khwv Tau Los.

    lub cim qhia lus ceeb toom tseem ceeb Lus Cim Tseg: Lwm yam ntaub ntawv txog ntawm nploog "Tsev Neeg Qhov Nyiaj khwv tau los Tus Ciam" yuav tsis tuaj yeem siv tau rau Qhov Kev Daws Kho Txog Kev Them Nyiaj Rov Qab Ntawm Kev Xaj Hluav Taws Xob Tom Tsev.

  • Pom zoo rau lubLub Khoos Kas cov ntsiab lus thiab cov cai (PDF).
  • Muaj ib Daim Ntawv Pom Zoo Pab Cuam Hluav Taws Xob hauv vaj tsev PG&E uas tseem siv tau. Qhov kev ua ntawv thov yuav nug txog:
    • 11-tus zauv npawb as khauj ntawm PG&E, muaj nyob rau ntawm nploog 1 ntawm PG&E daim ntawv sau nqi (piv txwv li, 1234567890-1)
    • PG&E tsab ntawv cog lus siv tus ID kev pom zoo pab cuam (SAID), Saib rau koj li SAID

    Saib kom paub tseeb tias tsab ntawv cog lus siv tus ID kev pom zoo pab cuam uas tau muab ntaus rau hauv daim ntawv thov ntaus raug lawm, yuav muaj nug txog PG&E daim ntawv sau nqi uas tsis ntev los no.

  • Xa cov ntaub ntawv uas xav tau nrog rau daim ntawv thov:
    • Daim ntawv pov thawj kev tso npe rau hauv Tsoom Fwv Lub Khoos Kas Kev Pab Cuam LOS SIS Daim Foos IRS 4506-C uas tau ua tiav thiab Daim Foos Qhia Paub PG&E Cov Tsev Neeg Qhov Nyiaj Khwv Tau Los
    • Qhov pov thawj ntawm daim ntawv sau nqi kev xaj yuav rau cov cuab yeej uas qhia hnub yuav nyob rau hnub los sis tom qab Lub Kaum Ib Hlis Ntuj Tim 17, 2023
    • Cov duab ntawm lub cuab yeej uas muaj cai tau txais thiab cov leb ntawm lub cuab yeej uas tau muab nruab rau. Yog tias tsim nyog, yuav tsum muaj daim duab tus kws kho hluav taws xob daim ntawv thov nqi zog ntxiv rau tib si.
    • Luam daim ntawv rau npe lub tsheb

lub cim qhia lus ceeb toom tseem ceeb Lus Cim Tseg: Lub tsheb tsis tas yuav tsum tawm npe rau tus tswv as khauj ntawm PG&E. Txawm li cas los xij, nws yuav tsum tawm rau lub npe ntawm tus neeg thov qhov nyiaj them rov qab thiab rau ntawm qhov chaw nyob uas raug rau tus neeg thov tsab ntawv cog lus siv kev pab cuam khoom PG&E daim ntawv pom zoo pab cuam hluav taws xob. Cov neeg siv PG&E cov khoom pa roj nkev xwb uas tau txais kev pab cuam hluav taws xob tuaj ntawm qib nroog yuav tsis muaj cai tau txais qhov nyiaj them rov qab.

  • Mus saib ntawm tshooj “Cov ntaub ntawv yuav tsum tau muaj” txog rau cov lus piav qhia.

lub cim qhia lus ceeb toom tseem ceeb Lus Cim Tseg: Lub npe ntawm tus neeg thov qhov nyiaj them rov qab thiab nws qhov chaw nyob yuav tsum raug rau daim ntawv pov thawj yuav qhov khoom cuab yeej, daim ntawv txheeb qhov nyiaj khwv tau los, thiab tus tswv lub tsheb los sis lub npe thiab qhov chaw nyob ntawm tus neeg qiv tsheb.

 

Cov ntaub ntawv yuav tsum yog cov ntawv luam los sis yog cov duab uas ib yam ntawm cov hom hauv qab no: PDF, JPG, JPEG, PNG, DOC or DOCX.

 

Ib daim ntawv thov uas raug lees paub tias tau xa tuaj yog thaum tau rub tag nrho cov ntaub ntawv pab txhawb thiab muaj tsab ntawv email lees paub uas tuaj ntawm PG&E.

 

Saib peb cov Ntaub Ntawv Pab Txhawb Ua Piv Txwv (PDF).

Tus neeg thov yuav tsum xa cov ntawv txheeb nyiaj hli los ntawm Txoj Kev Xaiv 1 los sis Txoj Kev Xaiv 2 txhawm los lees paub qhov kev muaj cai tau txais.

  • Txoj Kev Xaiv 1: Daim ntawv pov thawj kev tso npe nyob rau hauv tsoom fwv lub khoos kas kev pab cuam uas tau raug lees paub

    Tsab ntawv no yuav qhia txog daim ntawv pov thawj kev tso npe nyob rau hauv tsoom fwv lub khoos kas kev pab cuam uas tau raug tso cai nyob rau lub sij hawm thaum tau yuav qhov cuab yeej uas muaj cai tau txais lawm. Piv txwv li, tus neeg thov tuaj yeem xa Daim Ntawv Khoom Plig los sis Qhov Kev Ceeb Toom Nqis Tes Ua. Lub npe ntawm tus neeg thov yuav tsum yog lub npe ntawm tus neeg uas tau tuaj mus tso npe rau hauv tsoom fwv lub khoos kas kev pab cuam uas muaj cai tau txais thiab daim ntawv pov thawj kev tso npe yuav tsum yog nyob rau hauv 12 lub hlis suav txij hnub yuav lub cuab yeej.

     

    Kev tso npe rau hauv ib lub khoo kas ntawm tag cov khoo kas uas tau raug lees paub yuav ua rau tus neeg thov muaj cai tau txais qhov nyiaj them rov qab: 

    • Bureau of Indian Affairs General Assistance
    • CalFresh/SNAP (Cov Thwj Ntau Cim Zaub Mov)
    • CalWORKs (TANF)/Tribal TANF
    • Lub Khoos Kas Drive Clean in the San Joaquin Replace1
    • Head Start Cov Nyiaj Khwv Tau Los Tsim Nyog (haiv neeg tsawg xwb)
    • PG&E’s Income-Qualified Pre-Owned EV Rebate (Ua Tus Tswv Thib Ob Ntawm Lub Tsheb Hluav Taws Xob EV Rau Qhov Nyiaj Them Rov Qab Ob Npaug)2
    • Low-Income Home Energy Assistance Program (LIHEAP)
    • Medi-Cal (qhov nyiaj khwv tau los-Medi-Cal uas raug lees paub nkaus xwb)3
    • Medi-Cal rau Cov Tsev Neeg (Cov Tsev Neeg Noj Qab Nyob Zoo A&B)
    • Supplemental Security Income (SSI)
    • Lub Khoos Kas Khoom Noj Haus Tshwj Xeeb Lwm Yam Ntxiv rau Cov Poj Niam, Cov Me Nyuam Mos Ab, thiab Cov Me Nyuam Yaus (WIC)

    1 Cov neeg ua ntawv thov yuav muaj cai tau txais qhov nyiaj them rov qab yog tias lawv muaj daim ntawv tso cai ntawm Lub Khoo Kas Drive Clean in the San Joaquin Replace uas lees paub lawv qhov nyiaj khwv tau los ntawm tsev neeg yog 80% los sis tsawg dua ntawm Qhov Nruab Nrab (AMI) rau tus neeg ua ntawv thov qhov cheeb tsam chaw.

     

    2 Cov neeg ua ntawv thov uas tau raug lees paub los ntawm PG&E’s Pre-Owned EV Rebate Plus yuav tsum muab lawv qhov pov thawj qhia tus as khauj online uas qhia paub txog lawv qhov kev ua ntawv thov uas tau raug lees txais, los sis luam tsab ntawv email lees txais kev them nyiaj them rov qab nrog rau qhov nyiaj uas tau raug lees paub. Lub npe ntawm tus neeg ua ntawv thov thiab nws qhov chaw nyob rau hauv qhov Pre-Owned EV Rebate Plus yuav tsum zoo ib yam lub npe thiab qhov chaw nyob uas tau muab xa tuaj raws li daim ntawv thov Kev Daws Kho Txog Kev Them Nyiaj Rov Qab Ntawm Kev Xaj Hluav Taws Xob Tom Tsev.

     

    3 Cov neeg ua ntawv thov uas tab tom xa daim ntawv pov thawj kev tso npe uas muaj qhov nyiaj khwv tau los-Medi-Cal raug lees paub yuav tsum muab Tsab Ntawv Ceeb Toom Medi-Cal Lees Paub Kev Nqis Tes uas lees paub tias lawv qhov nyiaj khwv tau los yeej tau raug txheeb xyuas lawm nyob rau hauv 12 lub hlis dhau los. Peb tsis tuaj yeem lees txais cov npav kev ua ib tug tswv cuab ntawm kev tuav pov hwm kev noj qab haus huv tau.

     

  • Txoj Kev Xaiv 2: Cov ntawm kev txheeb xyuas qhov nyiaj khwv tau los

    Daim Foos IRS 4506-C

    Daim foos no yog tso cai rau PG&E-lub cuab yeej dhia cov ntaub ntawv thov uas tau txais cai uas xa mus rau Lub Center for Sustainable Energy (CSE) los mus ua kom tau txais ib daim ntawv luam txog ntawv cov kev them se tam li qhov kev txheeb xyuas qhov nyiaj khwv tau los. Txhua tus tib neeg uas muaj hnub nyoog 18 xyoo los sis siab dua yuav tsum xa daim foos 4506-C koom ua ke nyob rau hauv tus neeg ua ntawv thov cov ntaub ntawv nqi se rov qab nyob rau lub xyoo uas tau yuav lub cuab yeej. Yog hais tias, nyob rau lub sij hawm thaum tau ua tiav daim ntawv thov, tab sis daim IRS ho tsis tau hais kom cov neeg them se nyob rau xyoo ntawv, ces siv cov ntaub ntawv nyob rau xyoo them se dhau los txog ntawm 4506-C los pauv rau.

     

     Lus Cim Tseg:Yog hais tias tus neeg ua ntawv thov tab tom txheeb xyuas seb nws puas muaj cai tau txais rau lub khoos kas ciaj ciam qhov nyiaj khwv tau los yuav tsum tau ua daim ntawv no. Rub IRS Daim Foos 4506-C rau xyoo 2023 cov nyiaj them se rov qab hauv lub xyoo (PDF).

     

    Daim foos qhia cov tsev neeg

    Daim foos no raug siv los txheeb xyuas qhov loj ntawm tsev thiab qhov nyiaj khwv tau los ntawm tsev neeg nyob rau lub sij hawm thaum tau yuav lub cuab yeej uas muaj cai tau txais. Qhov loj ntawm tsev neeg yog koom muaj cov tswv cuab hauv tsev neeg sau qhia thaum muaj kev them se tsis ntev los no, koom muaj nrog rau txhua tus txij nkawm los sis cov koom nyob ua ke raws li cov hnub nyoog. LUS CIM TSEG: Yog hais tias tus neeg ua ntawv thov tab tom txheeb xyuas seb nws puas muaj cai tau txais rau lub khoos kas- ciaj ciam txwv qhov nyiaj khwv tau los yuav tsum tau ua daim ntawv no.

     

    Rub Tawm PG&E Daim Foos Cov Ntsiab Lus Tsev Neeg Kev Hais Daws Cov Nyiaj Nqi Xaj Hluav Taws Xob Hauv Tsev (PDF).

Cov ntaub ntawv no yuav tsum koom muaj cov ntaub ntawv lees paub kev yuav thiab kev nruab lub cuab yeej uas muaj cai tau txais.

 

  • Daim ntawv pov thawj yuav

    Qhov pov thawj ntawm daim ntawv sau nqi kev xaj yuav rau cov cuab yeej uas muaj cai tau txais yuav tsum qhia paub meej tseeb:

    • Lub npe tus tswv muag lub cuab yeej
    • Lub npe tus neeg ua ntawv thov
    • Qhov chaw xa khoom ntawm tus neeg ua ntawv thov
    • Hnub yuav (yuav tsum nyob rau hnub los sis tom qab Lub Kaum Ib Hlis Ntuj Tim 17, 2023)
    • Tus nqi yuav
    • Hom cuab yeej
  • Qhov pov thawj qhia tias lub cuab yeej tau raug muab nruab rau thiab npaj txhij los mus siv lawm

    Qhov pov thawj uas xav tau yuav tsum koom muaj:

    • Cov duab ntawm lub cuab yeej muab nruab los sis ntsia rau ntawm phab ntsa, thiab nws tus naj npawb qhia hom khoom.
      • Tus naj npawb qhia hom khoom yuav tsum muaj qhov sib txawv koom nyob ua ke xws li cov leb thiab cov niam ntawv uas pab txheeb xyuas lub cuab yeej.
      • lub cim qhia lus ceeb toom tseem ceeb Lus Cim Tseg: Cov Ford Chargers siv lub Charger ID tam li nws tus naj npawb qhia hom khoom uas tsis yog tus naj npawb qhia hom khoom li ib txwm.
    • Txog Cov Ford Chargers thiab EVoCharge: yuav muaj ib daim ntawv sau nqi los ntawm tus kws kho hluav taws xob rau kev mob siab rau nruab qhov chaw 240-volt. Nws yuav tsum muaj cov ntsiab lus li hauv qab no:
      • Lub npe tus neeg ua hauj lwm
      • Tus naj npawb tso cai ntawm tus neeg ua hauj lwm
      • Tus neeg ua ntawv thov lub npe thiab qhov chaw nyob rau ntawm daim ntawv sau nqi

Tus neeg ua ntawv thov yuav tsum rub ib daim duab kev rau npe ntawm lub tsheb uas tseem siv tau los sis ib qho kev rau npe ib ntus qhia txog qhov chaw nyob uas PG&E cov kev pab cuam rau tom tsev tam sim no.

Lub cuab yeej EV uas muaj cai tsim nyog tau txais

Peb cov chaw muag khoom uas tau txais kev tso cai yog muag cov khoom cuab yeej tshiab uas siv tau rau kev xaj hluav taws xob tom tsev Theem 2 nrog rau kev txo qhov kev xav tau hloov kho hluav taws xob uas muaj nqi kim.

 

Cov chaw muag khoom yuav sib txawv raws qhov khoom cuab yeej, software, tus nqi thiab tus tsim tawm los. PG&E yuav tsis tham qhia cov cai tshwj xeeb los sis muab lus cob qhia rau txhua lub chaw muag khoom. Cov neeg ua ntawv thov muaj lub luag hauj lwm los mus txheeb xyuas kev tsim nyog ntawm cov khoom siv no thiab cov kev pab cuam rau lawv lub neej.

Muaj Pub: Cov cuab yeej xaj fai rau hom tsheb hluav taws xob EV yuav muaj qhov tswj khoo los mus ua hauj nrog rau daim phiaj qhia qhov peev xwm tuaj yeem txais kev pab cuam muaj nyob.

  • Ford Connected Charge Station (FCCS)
  • Ford Charge Station Pro (FCSP)
    Mus Saib Ford Chargers

    Muaj Pub: Muaj qhov cais hluav taws xob Smart Splitter uas siv tau rau lub zog hluav taws xob 240-volt hauv koj lub tsev uas tuaj yeem cia siv tau ob yam khoom siv hluav taws xob ntsia rau ib lub qhov hluav taws xob uas tuaj yeem tsis ua hluav taws xob tuaj ntau dhau.

    • Lub Cais Hluav Taws Xob Smart Splitter NEMA 14-50
    • Lub Cais Hluav Taws Xob Smart Splitter NEMA 6-50
    • Lub Cais Hluav Taws Xob Smart Splitter NEMA 10-50
    • Lub Cais Hluav Taws Xob Smart Splitter NEMA 14-30
    • Lub Cais Hluav Taws Xob Smart Splitter NEMA 10-30
    Mus Saib NeoCharge

    Muaj Pub: Cov cuab yeej xaj fai rau hom tsheb hluav taws xob EV yuav muaj qhov tswj khoo los mus ua hauj nrog rau daim phiaj qhia qhov peev xwm tuaj yeem txais kev pab cuam muaj nyob.

    • iEVSE Home
    • Home 50

     

    lub cim qhia lus ceeb toom tseem ceeb Lus Cim Tseg: Lub EVoCharge muaj cov chaw xaj hluav taws xob uas tsis muaj qhov tswj khoo kev nqus hluav taws xob thiab cov peev xwm tuaj yeem txais tau yog li ntawd thiaj li tsis muaj cai nyob rau hauv lub khoos kas. 

     

    Mus Saib EVoCharge

    Cov lus nug uas nquag nug

    Tsis tau. Tsuas muaj cov khoom siv uas muaj npe nyob rau hauv "Qhov khoom cuab yeej uas muaj cai tsim nyog tau txais" thiaj li yuav muaj cai tau txais qhov nyiaj them rov qab nyob rau tam sim no.

    Lub Khoos Kas kev pab cuam tsuas muaj rau qhov kev yuav khoom nyob rau hnub los sis tom qab hnub qhib ntawm Lub Kaum Ib Hlis Ntuj Tim 17, 2023. Daim ntawv txais yuav tsum qhia paub hnub uas yuav.

    Tsis tau. Txhua tsev neeg, sawv cev tam li ib tug tib neeg nyob hauv PG&E Daim Npav ID Pom Zoo Pab Cuam Hluav Taws Xob, tsuas yog tus neeg muaj cai tsim nyob xwb thiaj tuaj yeem tau txais Ib Qho Nyiaj Thim Rov Qab Kev Hais Daws Nqi Xaj Hluav Taws Xob Hauv Tsev.

    Tsis tau. Txhua yam kev nruab hluav taws xob yuav tsum ua los ntawm Xeev California cov kws kho hluav taws xob uas muaj ntawv tso cai xwb.

    Yog tias koj nyuam qhuav nqis cov hluav taws xob 240-volt, koj tsis tas yuav muab daim ntawv luam sau nqi ntawm cov kws kho hluav taws xob. Koj tsuas yog muab daim duab ntawm lub cuab yeej uas tau raug nruab thiab tuaj yeem siv tau xwb, thiab nrog rau tus naj npawb hom khoom.

    Yog hais tias koj ntawv them se ntawm xyoo uas yuav lub cuab yeej ho tsis tau raug xa, cov ntaub ntawv se uas nyob rau ob lub xyoo dhau los ntawm xyoo uas yuav lub cuab yeej yuav raug thov kom muab xa tuaj txhawm rau kev txheeb xyuas qhov nyiaj khwv tau los.

     

    Yog hais tias koj tsis tau xa cov ntaub ntawv them se nyob rau ob lub xyoo dhau los ntawm xyoo uas tau yuav lub cuab yeej uas muaj cai tsim nyog tau txais, PG&E yuav tau, saib raws qhov tsim nyog, los txias txim txog lwm yam ntaub ntawv los mus ntsuas qhov nyiaj khwv tau los. Piv txwv xws li cov pay stubs, W2s, ntaub ntawv paj ntsig ntawm Supplemental Security Income (SSI), lwm yam.

     

    Kev ua ntawv thov txuas ntxiv rau xyoo them se uas tau thov yuav tsis raug suav tias yog ua ntawv thov rau lub hom phiaj ntawm lub khoos kas kev pab cuam qhov kev suav qhov nyiaj khwv tau los. Nyob rau cov xwm txheej no, lwm yam ntaub ntawv yuav raug thov kom muab tuaj txhawm rau kuaj ntsuas koj qhov nyiaj khwv tau los ntawm lub xyoo uas tsis tau them se. Yog hais tias koj tsis tuaj yeem muab cov ntaub ntawv uas tau thov tuaj txhawm rau txheeb xyuas qhov nyiaj khwv tau los, koj yuav tsis muaj cai tau txais qhov nyiaj them rov qab.

    Yog hais tias koj ntawv them se ntawm xyoo uas yuav lub cuab yeej ho tsis tau raug xa, cov ntaub ntawv se uas nyob rau ob lub xyoo dhau los ntawm xyoo uas yuav lub cuab yeej yuav raug thov kom muab xa tuaj txhawm rau kev txheeb xyuas qhov nyiaj khwv tau los.

     

    • Txog cov ntawv thov uas tau raug muab xa tuaj uas siv nyob rau xyoo them se 2022 los sis 2023, peb yuav tau ntsuam xyuas cov tshooj lus hauv qab no txog txhua qhov kev them se rau tsoom fwv, raws li qhia paub nyob rau hauv daim ntawv them se IRS, los mus pab txheeb xyuas qhov nyiaj khwv tau los tag nrho ntawm lub xyoo:
      • Ntawm Daim Foos IRS 1040: Qhov suav tag nrho ntawm kab 1–7. Kab 9 yuav tsis raug siv los kuaj ntsuas qhov nyiaj khwv tau los tag nrho rau txoj kev xaiv Them Nyiaj Rov Qab Ntxiv; thiab (yog hais tias tsim nyog),
      • Ntawm Daim Foos IRS 1040 Nqe lus 1: Qhov suav tag nrho ntawm kab 1–8. Yog Tias Kab 8, "Lwm Yam Nyiaj Khwv Tau Los" tsis muaj, nws yuav tsis raug muab coj los koom ua ib feem ntawm kev kuaj ntsuas qhov nyiaj khwv tau los, tshwj tsis yog tias muaj kev zam lawm. Yog Tias Kab 8 ntawm Npe Lus 1 tsis muaj, "Qhov Lus Tshaj Tawm" xa tuaj nrog tus neeg ua ntawv thov daim foos 1040 yuav tsum tau muab tuaj. Tej kev poob peev lag luam tag nrho muab los ntawm cov xyoo ua ntej kuj yuav tsis raug zam.

    Cov tshev nyiaj them rov qab feem ntau raug xa nyob rau hauv 30 hnub ntawm qhov kev lees paub, tab sis kuj yuav qeeb tej thaum. Tus neeg ua ntawv thov yuav tau txais ib tsab email yog thaum daim tshev tau raug muab xa tuaj lawm.

    Yog hais tias koj tsis tau txais tsab email nyob rau hauv 15 feeb tom qab xa daim ntawv thov, kuaj xyuas hauv koj lub folder spam, junk thiab bulk. Txhawm rau kom tau txais cov email nyob rau yav tom ntej, muab cov chaw nyob email ceev cia rau hauv phau ntawv ceev chaw nyob los sis cov npe "safe senders":

    Thaum ua tiav daim ntawv thov qhov nyiaj them rov qab, koj yuav tau sau ob tug naj npawb ntawm koj daim ntawv sau nqi PG&E:

    • Tus naj npawb as khauj PG&E. Nov yog kaum ib tus zauv naj npawb thiab muaj ib qho kem ua ntej tus zauv naj npawb kawg (xws li 1234567891-1). Nws yuav nyob rau ces kaum sab xis kawg nkaus ntawm koj daim ntawv sau nqi PG&E, thiab nyob rau txheej saum toj thaum koj nkag mus rau koj tus as khauj online ntawm pge.com. Txhawm rau saib qhov qauv piv txwv los mus nrhiav qhov chaw koj tus naj npawb as khauj, saib tus naj npawb 1 hauv qab ntawm "How to read your bill" nyob rau ntawm nplooj ntawv “Understand your bill”.
    • PG&E daim npav ID kev pom zoo pab cuam hluav taws xob. Nov yog kaum tus zauv naj npawb nyob rau ntawm "Details of Electric Charges" feem ntawm koj daim ntawv sau nqi PG&E. Rau cov neeg siv khoom feem ntau, qhov no yuav nyob rau nploog 3. Nrhiav koj tus ID kev pom zoo pab cuam (SAID).
    • Rau cov neeg siv khoom uas muaj ntau qhov chaw nyob uas siv tib tug as khauj: Nco qab ntsoov sau tus ID kev pom zoo pab cuam nrog rau qhov chaw nyob uas lub tsheb hluav taws xob tau raug rau npe.
    • Rau cov neeg siv khoom CCA: Yuav muaj ob tug ID kev pom zoo pab cuam rau txhua qhov nqi av tas. Siv tus naj npawb ID rau “PG&E Kev Xaj Hluav Taws Xob,” tsis yog tus ID rau CCA qhov nqi xaj hluav taws xob.

    Txhawm rau nrhiav koj tus naj npawb as khauj thiab SAID online:

    1. Nkag mus rau koj tus as khauj PG&E
    2. Xaiv mus rau "Tshuaj Xyuas Daim Ntawv Sau Nqi Tsis Ntev Los No" sab hauv qab tshooj "Koj Tus As Khauj"

    Lub cuab yeej nyob rau hauv lub khoos kas kev pab cuam no yuav tsis phim rau tag nrho cov xauj tsev, cov tsev xauj los sis cov tsheb pw. Koj muaj lub luag los mus saib xyuas qhov kev tsim nyog thiab thov kev tso cai ntawm koj tus tswv av los sis tswv chaw nyob ua ntej yuav los sis muab nruab rau.

     

    Koj tuaj yeem thov qhov nyiaj them rov qab tab txawm hais tias tus as khauj PG&E yuav tawm lwm tus lub npe lawm. Yog koj lub tuam tsev xauj los sis lub tsheb pw tsis muaj lub ntsuas hluav taws xob rau koj qhov kev siv, koj tus tswv av los sis tus thawj tswj chaw nyob yuav tau them nqi hluav taws xob rau PG&E. Nyob rau qhov xwm txheej no, thov caw thov PG&E tus naj npawb as khauj thiab tus ID kev pom zoo pab cuam los ntawm koj tus tswv av los sis tus thawj tswj chaw nyob los mus ua kom tiav koj daim ntawv thov.

     

    Thaum peb tau ntsuam xyuas koj daim ntawv thov, peb yuav thov kom muab PG&E cov ntawv sau nqi yav tag los txhawm rau los txheeb xyuas kev muaj cai tau txais. Yog peb tau thov saib daim ntawv sau nqi lawm, peb yuav saib qhov hnub tim (los sis hnub txog caij ntawm daim ntawv sau nqi), tus ID kev pom zoo pab cuam hluav taws xob thiab qhov chaw nyob uas muab kev pab cuam. Koj tuaj yeem daws kho txhua cov ntaub ntawv sau daim ntawv sau nqi.

     

    Yog hais tias PG&E tus ID kev pom zoo pab cuam hluav taws xob tus siv rau ntau lub tsev xauj los sis ntau lub tsev, peb yuav muaj ib qho kev zam thiab lees txais ntau qhov nyiaj them rov qab rau PG&E daim npav ID kev pom zoo pab cuam hluav taws xob. Txawm li cas los xij, txhua qhov kev thov nyiaj them rov qab yuav tsum muab rau cov tsev neeg ua sib txawv.

    Cov chaw muab kev pab cuam lwm yam

    Puas muaj lus nug dab tsi?

    Yog hais tias koj muaj lus nug txog ntawm Kev Daws Kho Txog Kev Them Nyiaj Rov Qab Rau Ntawm Kev Xaj Hluav Taws Xob Tom Tsev, sau email RCS@pgerebate.com los sis hu rau 1-877-700-8991.

    Lwm yam ntawm qhov nyiaj them rov qab

    Tshawb nrhiav lwm txoj Hauv Kev los mus txuag nyiaj. Mus saib nplooj ntawv cov kev thim nyiaj rov qab thiab cov nyiaj pab.