Cov kev dag ntxias

Tus ID ntawm tus neeg hu xov tooj tuaj dag ntxias yog qhov ua thaum ib tus neeg twg ua txuj dag tias yog tus neeg sawv cev PG&E raws koj tus ID ntawm tus neeg hu xov tooj tuaj ntawm koj tus xov tooj. Tus ID ntawm tus neeg hu xov tooj tuaj uas yog tus neeg dag ntxias:

• Tuaj yeem pom tus xov tooj hu tuaj yog PG&E tus xov tooj tseeb tiag xws li 1-800-743-5000
• Feem ntau yog nug txog cov lus qhia paub tob los sis txog qhov nkag kiag rau hauv koj lub tsev

PG&E yeej ib txwm tsis thov koj cov ntaub ntawv qhia txog fab nyiaj txiag raws hauv xov tooj dua li.

Yog hais tias koj poob siab txog rau tsab xov tooj uas tab tom hu tuaj ntawm PG&E ntawd, ces kom muab xov tooj khwb kiag thiab hu mus rau PG&E Lub Chaw Hauj Lwm Muab Kev Pab Cuam Tus Neeg Siv Hluav Taws Xob ntawm 1-833-500-SCAM (1-833-500-7226).

Faj Seeb: Yog koj muab ib tug neeg koj daim credit card los yog khij tus account hauv xov tooj, qhia rau lub tuam txhab credit card los yog bank thiab tub ceev xwm.

Lub xov tooj thiab tus ID ntawm tus neeg hu xov tooj tuaj dag ntxias uas nquag pom yog:

Kev dag ntxias: "Koj daim ntawv sau nqi tsis tau them nyob rau yav dhau los. Koj li hluav taws xob yuav raug tua nyob rau ib teev tom ntej no tshwj tsis yog tias koj yuav tau them nyiaj kom sai li sai tau."

Kev nthuav qhov tseeb: PG&E yuav tsis ua phem los tua koj li hluav taws xob hlo li tsis hais nyob rau txoj hauv kev twg. PG&E muab ntau txoj hauv kev los zam kom tsis txhob raug tua hluav taws xob. Txhawm rau kom tau txais kev pab rau koj daim ntawv sau nqi hluav taws xob, ces mus rau ntawm Financial assistance (Kev pab fab nyiaj txiag).

Kev dag ntxias: "Them koj daim ntawv sau nqi hluav taws xob ntawm PG&E yam siv daim npav khoom plig, Daim Npav MoneyPak® Card los sis raws kev them nqi raws hauv lub ev (app) xws li Venmo los sis Zelle®."

Txoj hauv kev los pov thaiv koj tus kheej: PG&E yuav ib txwm tsis thov koj txog kev them nyiaj los ntawm cov hauv kev no. Txhawm rau saib cov hauv kev them nyiaj uas tau txais kev pom zoo los ntawm PG&E, ces mus saib tau rau ntawm Ways to pay my PG&E bill (Cov hauv kev los them kuv daim ntawv sau nqi hluav taws xob ntawm PG&E). 

Kev dag ntxias: "Peb yog tus neeg muag khoom fab thib peb uas muaj cov cuab yeej los sis qhov kev pab cuam uas muab nruab sab hauv ntawm koj cov kev siv hluav taws xob. Muab koj tus nab npawb as khauj ntawm PG&E, cov lus qhia paub kev nkag rau, los sis tus naj npawb Xaus Saus Tuav Pov Hwm (Social Security) rau peb.

Txoj hauv kev los pov thaiv koj tus kheej: Cov neeg muag khoom tsis tas yuav tsum tau cov lus qhia paub no es thiaj nkag tau rau koj cov ntaub ntawv teev kev siv. Txhawm rau kawm paub txog cov neeg muag khoom yuav tau txais kev siv koj cov ntaub ntawv li cas (nrog kev tso cai los ntawm koj), mus rau ntawm Share My Data (Nthuav Qhia Kuv Li Ntaub Ntawv).

Kev dag ntxias: "Koj muaj cai tau txais PG&E cov nyiaj muab rov qab thiab/los sis qhov kev txo nqi, cov nyiaj se muab rov qab ntawm tsoom fwv, los sis tiv nqi cov nyiaj tshuav nyob rau lub hli dhau los them rau PG&E."

Txoj hauv kev los pov thaiv koj tus kheej: PG&E ib txwm tsis hu koj nrog rau cov kev pab cuam zoo li no. Txhawm rau kom tau txais kev pab rau koj daim ntawv sau nqi hluav taws xob, ces mus rau ntawm Financial assistance (Kev pab fab nyiaj txiag).

Kev dag ntxias: "Yuav tshwm sim muaj kev tua hluav taws xob. Muab koj cov ntaub ntawv qhia paub ntiag tug txhawm rau kom kawm paub ntau ntxiv seb koj qhov chaw nyob puas yuav raug cuam tshuam. "

Txoj hauv kev los pov thaiv koj tus kheej: PG&E yuav tsis hu thiab thov koj cov ntaub ntawv qhia paub ntiag tug yog tias yuav muaj kev tua hluav taws xob tshwm sim. Txhawm rau nrhiav kom paub seb koj qhov chaw nyob puas raug cuam tshuam los ntawm kev tua hluav taws xob, ces mus saib rau ntawm Outage Center (Lub Chaw Saib Xyuas Kev Tua Hluav Taws Xob). 

Kev dag ntxias: "Kuv sawv cev rau PG&E. Kuv puas tuaj yeem muag cov khoom siv los sis qhov kev pab cuam rau koj tau thiab txog qhov kawg puas tuaj yeem nkag mus rau hauv koj lub tsev tau?"

Txoj hauv kev los pov thaiv koj tus kheej: PG&E cov neeg sawv cev yuav tsis hu xov tooj rau koj txhawm rau muag cov khoom los sis qhov kev pab cuam. Thaum muaj kev poob siab lawm, ces kom muab xov tooj khwb kiag thiab hu mus rau PG&E Lub Chaw Hauj Lwm Muab Kev Pab Cuam Tus Neeg Siv Hluav Taws Xob ntawm 1-833-500-SCAM (1-833-500-7226).

Cov kev dag ntxias uas tso lub hom phiaj tsi ntsees mus rau cov neeg siv hluav taws xob hauv chaw lag luam uas yog haiv neeg Hispanic
Tshaj qhia cov kev dag ntxias raws hauv xov tooj uas ceeb toom tias qhov kev pab cuam hluav taws xob yuav raug txiav tawm tshwj tsis yog lub chaw lag luam ua kev them nyiaj los ntawm daim npav them nyiaj ua ntej xws li daim npav Green Dot card. PG&E tsis ua cov kev hu xov tooj no li. Peb yeej tsis thov kom them nyiaj tam sim nrog daim npav them nyiaj ua ntej raws hauv xov tooj los sis kiag ntawm tus kheej. Cov kev thov fab nyiaj txiag uas tsis muaj tseeb zoo xws li qhov no yuav tsum raug xam tias yog cov kev dag ntxias.

Ua ntej peb xa email thov rau cov ntaub ntawv qhia paub ntiag tug, PG&E hais kom cov neeg siv hluav taws xob nkag mus siv rau hauv lawv tus as khauj PG&E hauv oos lais los sis kom hu rau peb.

1. Tsis txhob nyem rau tus link txuas hauv tsab email uas ntseeg tsis tau ntawd—tab txawm tias nws zoo li daim ntawv sau nqi hluav taws xob ntawm PG&E los sis tsab email yog xa tuaj los ntawm PG&E los xij. Muab nws xa tauj kom sai li sai tau mus rau ScamReporting@pge.com.
2. Kuaj xyuas ob zaug txog rau ntawm qhov cov chaw nyob email ntawm tus neeg xa. PG&E siv cov chaw nyob email uas sib txawv, tab sis feem ntau xaus nrog pge.com. Cov zam suav nrog:
   • @pge.com
   • @em.pge.com
   • @em1.pge.com
3. Nkag siv hauv pge.com. Yog tias tib tsab lus zoo ib yam nyob rau hauv koj lub inbox (lub chaw ntawv nkag), ces tsab email yog los ntawm PG&E.

Tus neeg tuaj dag ntxias kiag tshwm sim thaum muaj ib tug neeg twg tuaj tshwm rau tom koj tsev los sis lub chaw lag luam thiab dag tias yog tus neeg sawv cev ntawm PG&E—feem ntau yog tuaj tshuaj xyuas cov tsev txog rau cov kev pab cuam roj nkev.

Kev hu teem caij ua ntej

Koj yuav tau txais ib tsab xov tooj av tas naus mav los sis muaj ib tus neeg hu uas yog hu tuaj ntawm tus neeg sawv cev pab cuam roj av los sis hluav taws xob los ntawm PG&E ua ntej yuav mus ntsib raws lub sij hawm teem cia.

Nug txog daim npav cim thawj

Nug tus ID ua ntej tso cai rau tus neeg ntawd mus rau hauv koj lub tsev los sis lub chaw lag luam. Cov neeg ua hauj lwm ntawm PG&E yuav nqa raim lawv cov npav ID thiab txaus siab hlo muab nws qhia rau koj saib tas li.

Hu rau tus xov tooj hu maj ceev ntawm PG&E Customer Service

Yog tias muaj ib tug neeg thov tuaj tias yog tus neeg ua hauj lwm yam qhia txog tus ID lawm thiab koj tseem tsis tso siab rau, ces hu rau 1-833-500-SCAM (1-833-500-7226). PG&E yuav txheeb xyuas qhov kev teem caij thiab/los sis qhov pom muaj nyob rau ntawm PG&E hauv zej zog. Yog koj tseem xav tias tsam raug hem thawj, ces hu rau 9-1-1.