Lub ev (app) Apple Home

Qhov kev pab cuam no tam sim no muaj rau cov neeg siv hluav taws xob ntawm PG&E uas muaj:

• Kev pab cuam fab vaj tsev nyob (tsis yog lub chaw lag luam)
• Kev pab cuam hluav taws xob (tsis yog rau cov neeg siv roj nkev nkaus xwb)
• Lub twj ntsuas hluav taws xob ntse ib lub nkaus xwb (cov tsev uas muaj ntau lub twj ntsuas hluav taws xob ntse tsis tau txais kev txhawb nqa nyob rau lub sij hawm no)

Cov neeg siv hluav taws xob ntawm Community Choice Aggregation (CCA) nyob hauv thaj chaw ntawm PG&E tuaj yeem siv cov hluav taws xob los ntawm Kev Siv Hluav Taws Xob thiab Cov Nqi Hluav Taws Xob tshiab no tau.

Tau kawg. Yog hais tias koj lub tsev siv hluav taws xob sab hnub ci saum ru tsev, ces lub ev (app) Home muab cov ntaub ntawv qhia txog cov hluav taws xob tuaj tshaj uas tau xa rov qab mus rau daim phiaj hluav taws xob (grid). Nws qhia tsis tau tias muaj hluav taws xob tag nrho ntau npaum li cas uas tau tsim nrog koj li hluav taws xob sab hnub ci saum ru tsev.

Muaj ob txoj hau kev los txuas rau koj tus as khauj kev siv hluav taws xob mus rau lub ev (app) Apple Home.

Koj tuaj yeem txuas rau lub ev (app) los ntawm kev muab tus tswv as khauj lub npe thiab chaw nyob muab kev pab cuam raws li qhia hauv koj daim nqi hluav taws xob ntawm PG&E, nrog rau koj tus e-mail thiab/los sis tus lej xov tooj uas muaj nyob rau hauv cov ntaub ntawv. Qhov kev xaiv no tsis tas yuav tsum tau koj daim ntawv pov thawj nkag mus rau lub lab npauv ntawm PG&E.

Qhov kev xaiv thib ob yog nkag mus rau hauv lub ev (app) los ntawm kev siv lub npe tus neeg siv (username) thiab tus zaum cim (password) nkag mus rau koj tus as khauj PG&E (tib yam ntaub ntawv pov thawj uas koj siv thaum tso npe nkag rau hauv koj tus as khauj ntawm PG&E lub vas sab). Yog hais tias koj xav sau npe rau PG&E tus as khauj hauv online, ces mus rau m.pge.com/#registration.

Thov mus saib rau ntawm Apple nplooj ntawm hais txog Kev Ntiag Tug kom paub ntau ntxiv.

Tsis raug, tsis muaj kev cuam tshuam rau koj tus as khauj PG&E rau kev siv lub ev Home App.

Koj tuaj yeem txuas koj tus as khauj kev sivv hluav taws xob rau ntau lub tsev tau tsuav yog tias txhua lub tsev puav leej muaj cai tsim nyog tau txais kev pab. Koj yuav tsum ntxiv ib lub tsev tshiab rau txhua qhov chaw nyob ntxiv hauv lub ev Home app, thiab tom qab ntawd txuas koj daim ntawv pov thawj kev siv hluav taws xob uas nyias muaj nyias rau txhua lub tsev.

Qhov yam ntxwv Grid Forecast pab kom koj pom tias thaum twg yog thaum muaj hluav taws xob huv dua nyob hauv koj cheeb tsam. Los ntawm kev hloov pauv thaum koj siv hluav taws xob loj — xws li cua sov thiab txias hauv koj lub tsev los sis kev sam hluav taws xob rau Tsheb Noj Hluav Tawx Xob (Electric Vehicle, EV) — koj tuaj yeem hloov koj qhov kev siv hluav taws xob mus rau lub sij hawm thaum muaj kev sib hloov tsim hluav taws xob los sis muaj cov chaw muab kev pab uas txo cov pa roj carbon monoxide kom tsawg. Qhov yam ntxwv Kev Siv Hluav Taws Xob Hauv Tsev thiab Cov Nqi Hluav Taws Xob pab rau koj saib tau yooj yim tias koj siv hluav taws xob thaum twg thiab siv ntau npaum li cas, uas yog kauj ruam tom ntej kom nkag siab zoo dua txog koj cov hluav taws xob hauv tsev. Peb xav txhawb cov neeg siv hluav taws xob hauv kev hloov pauv lawv cov kev siv, thiab qhov no pib nrog kev nkag siab lub sij hawm uas hluav taws xob huv thiab nrog rau kev siv ntawm txhua leej neeg ob qho tib si.

Nyeem kom paub ntau ntxiv txog qhov yam ntxwv ntawm Grid Forecast nyob hauv lub ev Home app.

Qhov yam ntxwv no muaj nrog hauv lub ev Home app uas yog ib feem ntawm iOS, iPadOS, WatchOS, thiab MacOS. Txhawm rau kawm paub ntau ntxiv txog lub ev Home app, mus saib ntawm: https://www.apple.com/home-app/

Koj tuaj yeem txiav tawm koj tus as khauj PG&E los ntawm Apple Home App hauv cov kev teeb tsim lub ev tau txhua lub sij hawm. Nyeem ntxiv nyob hauv Phau Ntawv Qhia Tus Neeg Siv Lub Xov Tooj iPhone.

Yog hais tias koj xav tau kev pab kom tau lub npe tus neeg siv (username) los sis tus zauv cim (password), thov mus saib nplooj ntawv kev daws teeb meem ntawm PG&E.

Yog hais tias koj xav tsim ib tus as khauj ntawm PG&E, thov mus saib ntawm https://m.pge.com/#registration.

Cov yam ntxwv no tam sim no muaj nyob rau hauv lub ev Home App ntawm lub cuab yeej Apple uas lees txais tau lub ev nkaus xwb. Cov neeg siv cuab yeej Android tseem tuaj yeem nkag mus rau PG&E cov kev pab cuam los ntawm kev mus saib PG&E lub vas sab.

Koj yuav tsum nruab lub software uas yog hom tshiab tshaj plaws thiaj nkag tau mus rau cov yam ntxwv no.

Cov no yog cov cai yuav tsum tau ua OS uas tsawg tshaj plaws, raws li siv tau:

iPhone: iOS 18
Apple Watch: watchOS 11
iPad: iPadOS 18
Mac: macOS Sequoia 15.0

Kuaj xyuas koj lub cuab yeej rau kev hloov tshiab cov software uas twb muaj lawm thiab xyuas kom paub tseeb tias tau nruab lub software uas tsawg kawg nkaus hom tshiab tshaj plaws lawm ua ntej siv cov yam ntxwv no.

Thaum koj tus as khauj PG&E raug txuas nrog lub ev lawm, cov ntaub ntawv kev siv hluav taws xob yav dhau los ntev txog ob lub xyoos yuav khiav tawm los mus (sync) rau hauv lub ev Home app. Feem ntau lawm, qhov kev txuas thawj zaug no tuaj yeem siv sij hawm li 1 xuab moos mam li muab lis tawm los, tab sis qee zaus kuj yuav siv sij hawm ntev dua ntawd. Koj tuaj yeem siv lub ev Home app txuas mus ntxiv tau thaum tseem tab tom lis cov ntaub ntawv.

Cov ntaub ntawv teev kev siv hluav taws xob yog muab los ntawm PG&E thiab feem ntau muaj nyob hauv lub ev Home app mus txog 24 xuab moos txog 72 xuab moos tom qab kev siv hluav taws xob tshwm sim lawm.

Koj tuaj yeem saib cov ntaub ntawv teev kev siv hluav taws xob yav dhau los tau ntev txog 24 lub hlis, yog hais tias muaj koj tus as khauj nyob rau hauv.

Tsis tau, qhov xwm txheej zoo li no tseem tsis tau txais kev txhawb nqa nyob rau tam sim no.

Qhov chaw muab cov ntaub ntawv los uas pom nyob hauv lub Home App yog tib yam li cov ntaub ntawv uas pom hauv koj tus as khauj PG&E, thiab txawm tias yuav muaj qhov sib txawv ib ntus, tab sis tag nrho cov ntaub ntawv teev kev siv hluav taws xob yuav sib xws thaum kawg.

Nyob hauv lub ev Home app, cov ntaub ntawv teev kev siv hluav taws xob uas tau muab nrog cov sij hawm sib txawv dua li PG&E cov ntawv sau nqi hluav taws xob.

Koj tuaj yeem saib tau koj daim phiaj xwm kev npaj tus nqi nyob hauv lub ev Home app. Yog hais tias siv tus nqi raws li Lub Sij Hawm ntawm Kev Siv (Time of Use, TOU), lub ev (app) kuj tuaj yeem qhia tau cov ntaub ntawv qhia kev siv hluav taws xob thaum lub caij Pos Huab thiab Tsis Pos Huab rau koj. Tau txais cov ntaub ntawv qhia ntau ntxiv txog cov nqi hluav taws xob ntawm PG&E.